الاثنين، 9 مارس 2009
اجنده وطنيه
يتكرر علي مسامعنا الكثير من الكلمات والعبارات والتقارير يوميا بلا توقف وبلا ايضاح طبعا مهو احنا ملناش لازمه وتكرر الكلمات وسط استهبال حكومي منظم علشان ودانا تتعود علي سماعه وبعدين نكرره احنا بدورنا وسط استهبال شعبوي كبير وعلي الطريقه الشعبوليه مبحبش السجاير واكون انسان جديد وبدا الشعب يكرر الاغنيه ويلتقط نفس من السيجاره ثم يستكمل وهكذا فنتناقل كلماتهم حتي تصبح كلماتنا ثم نبدا نحن بالدفاع عن تلك المعتقدات التارجحيه اللامنطقيه الجبريه علي انها هي الحق وما سواها هو الباطل فعندما تقول الحكومه نحن نحافظ علي حدودنا بقفل المعبر وقطع المدد عن الغزاويين الوحشين خالص خلاص يبقي غزه عدونا والكل يصفق ويطبل ويزمر لهذا القرار اللامثيل له بل ويتمادي قارعوا الطبول بانذارنا يا خايبين حماس عايزه تحتل مصر ثم تبدا تلك الاسطوانه الجديده حماس متفقه مع اسرائيل من اجل احتلال مصر وتتدفق علينا المقالات الساخنه عن العلاقات الحماسيه الاسرائيليه ويطلع علينا الصحفي المشهور ابو بربور قائلا ورحمه امي شفت خالد مشعل بيتكلم مع الست ليفني في كباريه في شارع الهرم فتصول الصحافه وتجول وتكرر كلمه ابو بربور والكل يحبش بقي من عنده شويتين ويخرج علينا بكلام موزون مقرون بكلام حكومي سخيف كل ده مش مهم اللي يغيظك تلاقي واحد بلحيه كبيره اكبر من اي لحيه حاخام شفته بيتكلم برضه احسن من اي حاخام عن القضيه الفلسطينيه وكلام موزون علي طريقه لا تقربوا الصلاه فاللي يسمع يلاقي شيخ واللي يفهم يلاقي حاخام ظلمناه طيب نقول ايه شيخ متحخم اهي جت كده وخلاص يا اخواننا تحس انها ببرونه واحده وكلهم راضعيين منها وكله بيطبل ويزمر بطريقته الخاصه فالشيخ من علي قناته لا من علي منبره لان المنابر فضيت والقنوات اتملت ولمت بصراحه ما علينا والصحفي من صحيفته حتي الزلنطحيه من اماكن الزلطحه يظلطحون ويتنافسون في الوصل الي اكبر مدي من ارضاء الذوق الحكومي العام فالي متي سنظل نسوق الهبل علي الشيطنه الله اعلم
الاشتراك في:
الرسائل (Atom)
